حه‌شدى شه‌عبى سێ پاسه‌وانى سه‌رۆك كۆماريان رفاند
K24 – كه‌ركووك:
ژماره‌يه‌ك چه‌كدارى حه‌شدى شه‌عبى، له نزيك شارۆچكه‌ى ئامرلى، 3 پاسه‌وانيى سه‌رۆك كۆمارى عێراق، فوئاد مه‌عسووميان رفاندووه.
به گوێره‌ى زانيارييه‌كانى ماڵپه‌ڕى كوردستان 24، يه‌كێك له‌و پاسه‌وانانه پله‌ى نه‌قيبى سه‌ربازيى هه‌يه و خه‌ڵكى كه‌ركووكه.
ئه‌مه يه‌كه‌مجار نييه پاسه‌وانه‌كانى سه‌رۆك كۆمارى عێراق ده‌كه‌ونه بۆسه‌ى چه‌كدارانى حه‌شدى شه‌عبى و له نيوه‌ى دووه‌مى ساڵى رابردووشدا ژماره‌يه‌ك پاسه‌وانى سه‌رۆك كۆمار له لايه‌ن ئه‌و مليشيايانه‌وه رفێندران.
تا ئێستا هيچ زانيارييه‌ك له باره‌ى سۆراغ و سه‌لامه‌تى گيانى ئه‌و پاسه‌وانانه‌وه له‌به‌ر ده‌ستدا نييه.
حه‌شدى شه‌عبى ميليشيايه‌كى چه‌كدارييه و له‌سه‌ر بنه‌ماى فه‌تواى عه‌لى سيستانى، مه‌رجه‌عى باڵاى به‌شێك له شيعه‌كانى عێراق دامه‌زراوه.
.jpg)