شاندێکی باڵای ئەمنی عێراق سەردانی هەرێمی کورستان دەکات
K24 - هەولێر
شاندێکی باڵای ئەمنی عێراق سەردانی هەرێمی کورستان دەکات و پرسی ئەمنی ناوچەکانی دەرەوەی ئیدارەی هەرێم تاوتوێ دەکەن.
بەگوێرەی چەند سەرچاوەیەک، بڕیارە ئەمڕۆ شاندێکی باڵای ئەمنی عێراقی بە سەرۆکایەتی قاسم ئەعرەجی راوێژکاری ئاسایشی نیشتمانی عێراق بگاتە هەرێمی کوردستان و زنجیرەیەک کۆبوونەوە ئەنجام بدەن.
هەر بە گوێرەی زانیارییەکان، پرسی دۆخی ئەمنی ناوچە کوردستانییەکانی دەرەوەی هەرێم و بەتایبەت جێبەجێکردنی رێککەوتنی شنگال، تەوەری سەرەکی گفتوگۆکانی نێوان شاندی عێراق و هەرێمی کوردستان دەبێت.