ئێران: ئێمە لە پشت هێرشەکانی سەر ئەمەریکا و هاوپەیمانان نین
K24 - هەولێر
ئێران رەتیدەکاتەوە پەیوەندی بەو هێرشانەوە هەبێت کە دەکرێنە سەر هێزەکانی هاوپەیمانان و ئەمەریکا لە عێراق.
مەجید تەخت رەوانجی، نوێنەری هەمیشەیی ئێران لە نەتەوە یەکگرتووەکان، رەتیدەکاتەوە وڵاتەکەی پەیوەندی بەو هێرشانەوە هەبێت کە دەکرێنە سەر هێزەکانی هاوپەیمانان و ئەمریکا لە عێراق.
لە هەمانکاتدا رەوانجی، سەرکۆنەی هێرشە ئاسمانی هەفتەی رابردووی ئەمەریکای بۆ سەر بنکەکانی گرووپە چەکدارەکانی عێراق کرد لە سنووری عێراق - سووریا، کە کوژرانی چوار چەکداری حەشدی شەعبی لێکەوتەوە.
ئەمەش لەکاتێکدایە، ئەمەریکا بەردەوام میلیشیاکانی سەربە ئێرانی تۆمەتبار کردووە، بە ئەنجامدانی هێرشەکان بۆ سەر بەرژەوەندییەکانی لە عێراق.