پرۆژەی پێکەوە بەستنی کارەبای ھەرێم و عێراق و تورکیا گهیشته قۆناغی كۆتایی
K24- ههولێر:
له راگهیهندراوێكدا وهزارهتی كارهبای حكومهتی ههرێمی كوردستان رایگهیاند، پرۆژەی ستراتیژیی پێکەوە بەستنی کارەبای ھەرێمی کوردستان لەگەڵ عێراق و تورکیا گهیشتووهته قۆناغی كۆتایی.
بهگوێرهی راگهیهندراوهكهی وهزارهتی كارهبا، درێژی پڕۆژەی هێڵی گواستنەوەی 400 KV نێوان هەرێمى كوردستان و عێراق و تورکیا 17 کیلۆمەتره و توانای گواستنەوەی 1000 مێگاوات کارەبای هەیە.
وهك ئاماژهشی پێداوه، گرنگیی پرۆژەکە بۆ هەرێمی کوردستان لهم دوو خاڵانهدایه:
- کێشەی دابەزينى ڤۆڵتیە و بارقورسی لەسەر توڕی کارەبای هەرێم چارەسەر دەکات.
- لە رێگهى ئەم هێڵەوە دەتوانرێت وزەی کارەبا لە تورکیاوە بۆ هەرێم و عێراق بگوازرێتەوە و کۆنترۆڵی هێڵەکەش بەدەست وەزارەتی کارەبای ھەرێم دەبێت.
وهزارهتی كارهبا ئاشكراشیكرد، پرۆژەکە تا کۆتایی ئەم مانگە تەواو دەکرێت و ماوەکەشی 45 رۆژە و بە تێچووى 4 ملیۆن و 500 ههزار دۆلار جێبەجێ کراوە.
H.B