تەرمی منداڵێکی 9 ساڵ لە هەڵەبجە دۆزرایەوە
K24 – هەڵەبجە
تەرمی منداڵێکی تەمەن 9 ساڵ لە پارێزگای هەڵەبجە دۆزرایەوە و"ئاسەواری لێدان بەسەر جەستەیەوە دیار بووە و کەسێکیش بە تۆمەتی کوشتنی منداڵەکە دەستگیر کراوە".
موقەدم بەرزان عوسمان، وتەبێژی بەڕێوەبەرایەتی پولیسی پارێزگای هەڵەبجە لە راگەیەندراوێکدا ئاشکرای کرد: "شەوی رابردوو لە گەڕەکی سەرای پارێزگای هەڵەبجە، منداڵێکی تەمەن 9 ساڵ بەناوی راوێژ قادر سەعدی، پیشە خوێنکار پاش دیار نەمانی لە ئێوارەوە بە کوژراوی لەناو بیری مزگەوتێک کە ئاوی تێدا نییە دۆزراوەتەوە، کە ئاسەواری لێدان لەسەر جەستەی هەبووە".
ئاماژەی بەوەشکردووە: "پاش گەیشتی تیمی بەڵگە و تاوان و پۆلیسی بنکەی هەڵەبجە. تەرمی منداڵەکە دەرهێنراوە، لێکۆڵینەوە لە رەوداوەکە دەستیپێکردووە، کەسێک دەستگیر کراوە بەناوی ( ا س ) تەمەن 25 ساڵ دانیشتووی پارێزگای هەڵەبجە گەڕەکی سەرا بەپێی ماددەی 406 لێکۆڵینەوەی لەگەڵدا دەکرێت".