په‌ڵكانه.. عه‌ره‌بی هاورده به‌چه‌ك هێرشی سه‌ر ماڵێكی كوردیان كرد
K24- په‌ڵكانه:
عەرەبی هاوردە بە چەك هێرشیانكردە سەر خێزانێكی كورد لە گوندی پەڵكانە بەناوی هیوا كەریم و دەستڕێژی گوللـەیان لێكردووە
هاووڵاتییەكی گوندەكە بە كوردستان24ی راگەیاند، ژمارەیەك عەرەبی هاوردە به سه‌رپه‌رشتی فه‌رحان غەزال كە شێخێكی عەرەبە و بە ئەندازیاری تەعریب له‌و سنووره ده‌ناسرێت، بە چەكەوە هێرشیان كردووه‌تە سەر ماڵی ئەو هاوڵاتییە كوردە و دەستڕێژی گوللـەیان لە ماڵەكەی كردووە.
ئه‌و سه‌رچاوه‌ی گوتیشی: دوای ئاگاداركردنەوەی سوپای عێراق و هاتنیان بۆ گوندەكە، ئەو چەكدارانە تەقەیان لە هێزەكەی سوپای عێراقیشیان كرد، دواتر چەكدارەكان لەگەڵ فەرحان غەزال بەرەو شوێنێكی نادیار هەڵاتوون.
ئێستاش هێزێكی زۆری سوپای عێراق لە گوندەكە بڵاوەی پێكراوە و لێكۆڵینەوە لە رووداوەكە دەكەن.
H.B