سهرۆك بارزانی لهگهڵ محهممهد حهلبووسی و خهمیس خهنجهر كۆبووهوه
K24-ههولێر:
سەرۆك بارزانی لەگهڵ محەممەد حەلبووسی و خەمیس خەنجەر كۆبووهوه و جهختیان لهسهر گرنگی بهڕێوهچوونی ههڵبژاردنی پێشوهخته كردهوه.
ئهمڕۆ یهكشهممه 11ـی ئهیلوولی 2022، له سهڵاحهددین سهرۆك بارزانی لەگهڵ محەممەد حەلبووسی، سەرۆكی ئەنجوومەنی نوێنەرانی عێراق و خەمیس خەنجەر، سەرۆكی هاوپهیمانیهتی سیادە كۆبووهوه.
له راگهیهندراوهكهی بارهگای بارزانیدا هاتووه، هەردوولا جەختیان لە گرنگیی بەڕێوەچوونی هەڵبژاردنی پێشوەختە كردەوە ئەویش لەدوای ئامادەسازییە یاساییەكان و بەپێی میكانیزمە دەستوورییەكانی بەر لە پێكهێنانی حكومەتێك كە خاوەن دهسهڵاتی تەواو بێت و متمانەی هەموو لایەك لەسەر بەرنامەكانی ههبێت. جەختیش لە پێویستیی بەردەوامیی كاروباری ئەنجوومەنی نوێنەران تاوهكو بەڕێوەچوونی هەڵبژاردن كرایەوە.
ئهوهش خراوهتهڕوو، لە دیدارەكەدا دەرهاوێشتە نەرێنییەكانی بارودۆخی سیاسی لەسەر وڵات و پێویستیی پشتبەستن بە زمانی دیالۆگ و پەیڕەوكردنی شێوازە دەستووری و یاساییەكان تاوتوێ كرا، ئەویش لەپێناو تێپەڕاندنی ناكۆكییەكان و گەیشتن بە چارەسەری وا كە لە بەرژەوەندیی گەلانی عێراق بێت.
ئاماژهش بهوهدرا، هەردوولا ئامادەیی خۆیان راگەیاند بۆ بەشدارییەكی بنیاتنەرانە لە نزیككردنەوەی بۆچوونی هەموو لایەنەكان و هەروەها هەڵنانی هەر هەنگاوێك كە خزمەتی بەرژەوەندیی نیشتیمانی و ئاشتەوایی كۆمەڵایەتی و پاراستنی ئاساییشی هاووڵاتیان بكات.
له كۆتایی راگهیهندراوهكهدا هاتووه، هاوپهیمانیهتی سەروەری و پارتی دیموكراتی كوردستان لەسەر ئەوە كۆك بوون كە لە پەیوەندی و هەماهەنگیی بەردەوامدا بن بۆ گەڵاڵەكردنی هەڵوێستی هاوبەش لەپێناو خزمەتكردنی بەرژەوەندییە باڵاكانی وڵات.
دهقی راگهیهندراوهكهی بارهگای بارزانی:
کوردی / عربي
سەرۆك بارزانی پێشوازی لە سەرۆكی ئەنجوومەنی نوێنەران و سەرۆكی هاوپەیمانێتیی سیادە دەكات ڕۆژی یەكشەممە 11ی ئەیلوولی 2022 لە سەلاحەددین سەرۆك مەسعود بارزانی پێشوازی لە بەڕێزان محەمەد حەلبووسی سەرۆكی ئەنجوومەنی نوێنەرانی عێراق و خەمیس خەنجەر سەرۆكی هاوپەیمانێتیی سیادە كرد.
لە دیدارەكەدا دەرهاوێشتە نەرێنییەكانی بارودۆخی سیاسی لەسەر وڵات و پێویستیی پشتبەستن بە زمانی دیالۆگ و پەیڕەوكردنی شێوازە دەستووری و یاساییەكان تاوتوێ كرا. ئەویش لەپێناو تێپەڕاندنی ناكۆكییەكان و گەییشتن بە چارەسەری وا كە لە بەرژەوەندیی گەلانی عێراق بێت.
هەروەها هەردوولا جەختیان لە گرنگیی بەڕێوەچوونی هەڵبژاردنی پێشوەختە كردەوە ئەویش لەدوای ئامادەسازییە یاساییەكان و بەپێی میكانیزمە دەستوورییەكانی بەر لە پێكهێنانی حكوومەتێك كە خاوەن سەلاحیاتی تەواو بێت و متمانەی هەموو لایەك لەسەر بەرنامەكانی بێت. جەختیش لە پێویستیی بەردەوامیی كاروباری ئەنجوومەنی نوێنەران هەتا بەڕێوەچوونی هەڵبژاردن كرایەوە.
هەردوولاش ئامادەیی خۆیان ڕاگەیاند بۆ بەشدارییەكی بنیاتنەرانە لە نزیككردنەوەی بۆچوونی هەموو لایەنەكان و هەروەها هەڵنانی هەر هەنگاوێك كە خزمەتی بەرژەوەندیی نیشتیمانی و ئاشتەوایی كۆمەڵایەتی و پاراستنی ئاساییشی هاووڵاتیان بكات.
هەر لەو دیدارەدا هاوپەیمانێتیی سەروەری و پارتی دیموكراتی كوردستان لەسەر ئەوە كۆك بوون كە لە پەیوەندی و هەماهەنگیی بەردەوامدا بن بۆ گەڵاڵەكردنی هەڵوێستی هاوبەش لەپێناو خزمەتكردنی بەرژەوەندییە باڵاكانی وڵات.