وەزارەتی دارایی وادەی دابەشکردنی مووچەی راگەیاند

K24 - هەولێر

وەزارەتی دارایی و ئابووری حکومەتی هەرێمی کوتردستان خشتەی دابەشکردنی مووچەی بڵاوکردەوە و رایگەیاند، لە سبەینێوە دەست بە دابەشکردنی مووچەی مانگی یەکی 2023 دەکرێت.

وەزارەتی دارایی رایگەیاند، رۆژی دووشەممە رێکەوتی 2023/2/6، دەست به دابەشکردنی مووچەی مانگی 1ی فەرمانبەران دەکرێت، بە وەزارەتی تەندروستی دەست پێدەکات و رێکەوتی 2023/2/27 بە خانەنشینی پێشمەرگە کۆتایی دێت.