مه‌سرور بارزانی: تیمه فریاگوزارییه‌كانمان بۆ بەهاناوەچوونی زیانلێکەوتووانی بوومەلەرزەكه‌ی توركیا و سووریا ئاماده‌ن
K24 – هه‌ولێر:
سه‌رۆكی حكومه‌تی هه‌رێمی كوردستان له تویتێكدا رایگه‌یاند، دامودەزگاکانی حکومەت، وەزارەتی تەندروستی و دەزگای خێرخوازیی بارزانی-م راسپاردووه بۆ هاوکاری و بەهاناوەچوونی زیانلێکەوتووانی بوومەلەرزە له توركیا و سووریا.
ئه‌مڕۆ دووشه‌ممه (6ـی شوبات/فێبرایه‌ری 2023)، مه‌سرور بارزانی، سه‌رۆكی حكومه‌تی هه‌رێمی كوردستان له تویتێكدا رایگه‌یاند، بۆ هاوکاری و بەهاناوەچوونی زیانلێکەوتووانی بوومەلەرزە، دامودەزگاکانی حکومەت، وەزارەتی تەندروستی و دەزگای خێرخوازیی بارزانی-م راسپاردوون هه‌ماهه‌نگی له‌گه‌ڵ رێكخراوی مانگی سوور بکەن لە هەوڵەکانی فریاگوزاری لە تورکیا و سوریا.
له تویته‌كه‌ی سه‌رۆكی حكومه‌تی هه‌رێمی كوردستاندا هاتووه، "بۆ ئەم مەبەستە تا ئێستا 3 تیمی فریاگوزاری و 25 ئەمبولانس ئامادەن".
In solidarity with victims of the earthquake, I have instructed govt bodies, the Health Ministry and the @BarzaniCF to collaborate with the Red Crescent and assist in rescue efforts in Turkey and Syria.
— Masrour Barzani (@masrourbarzani) February 6, 2023
As of now, three rescue teams backed by 25 ambulances have been organized.
