سەرۆک بارزانی پێشوازی لە وەزیری دەرەوەی تورکیا دەکات
K24 - هەولێر:
سەرۆک بارزانی لەمیانەی کۆبوونەوەی لەگەڵ وەزیری دەرەوەی تورکیا بارودۆخی سیاسی عێراق و ناوچەکە و پەیوەندییەکانی نیوان هەرێمی کوردستان و تورکیایان تاوتوێ کرد.
رۆژی پێنجشەممە 24ی ئابی 2023 سەرۆک بارزانی، لە سەلاحەددین پێشوازی لە هاکان فیدان، وەزیری دەرەوەی تورکیا و شاندێکی یاوەری کرد.
لە دیدارەکەدا بیروڕا لەبارەی بارودۆخی سیاسیی عێراق و ناوچەکە و پەیوەندییەکانی هەردوولا ئاڵوگۆڕ کرا.
