سەرما و بەستەڵەك لە ماسیگرتن نایانوەستێنێ
K24 - وان
ھەرچەندە رەوشی كەشوھەوا لە باكووری كوردستان زۆر ساردە و كاریگەری لەسەر ژیانی ھاووڵاتیان درووست كردووە، بەڵام لە ناوچەی ئەبەخەی سەر بە شاری وان ماسیگرەكان بەردەوامن لەسەر كاری خۆیان و بژێوی ژیانی خۆیان پەیدا دەكەن.
لە ھەندێك ناوچەی باكووری كوردستان بەفربارینی زۆر ئاستەنگی بۆ ھاتووچۆ و كاروباری ھاووڵاتیان دروستكردووە، بەڵام ماسیگرەكانی وان بەستەڵەكی سەر رووبارەكان دەشكێنن، بۆ ئەوەی ماسییەكان راو بكەن.