بەفربارین چەند ناوچەیەكی ھەرێمی كوردستانی گرتەوە
K24 - دھۆك
شەپۆلێكی بەفربارین چەند ناوچەیەكی ھەرێمی كوردستانی گرتەوە و لە سنووری ناحیەی كانی ماسی سەر بە پارێزگای دھۆك 65سم بەفر باریووە.
پەیامنێری كوردستان24 لە ئامێدی رایگەیاند: "لە شەوی رابردووەوە شەپۆلێكی بەفربارین چەند ناوچەیەكی سنووری پارێزگای دھۆكی گرتووەتەوە و بەفربارین لە ھەندێك ناوچە بە رادەیەك بووە كە ئاستەنگی بۆ ھاتووچۆ دروستكردووە و رێگەی چەند گوندێكی دەڤەری ئامێدی گیراوە".
عەبدولعەزیز محەمەد، لە بنكەی كەشناسی كانی ماسی بە كوردستان24 گوت: "لە شەوی رابردووەوە تائێستا لە سەنتەری كانی ماسی 65سم بەفر باریووە".
گوتیشی: "بەھۆی بەفربارینی زۆر رێگەی چەند گوندێكی دەڤەری بەرواری باڵا داخراون".
ھ.م