لە ساڵێكدا حكومەت 166 ملیار دیناری بۆ نۆژەنكردنەوەی رێگەكان خەرجكردووە
K24 - ھەولێر
كابینەی نۆیەمی حكومەتی ھەرێمی كوردستان، لە سەرەتای دەست بە كار بوونیەوە گرنگی بە پڕۆژە خزمەتگوازارییەكانی رێگاوبان دەدات. لەماوەی یەك ساڵی كاركردنی كابینەی نۆیەم 166 ملیار دیناری خەرجكردووە، بۆ نۆژەنكردنەوەی و دروستكردنی رێگاوبان لە ھەموو پارێزگاكانی ھەرێمی كوردستان، بۆ ھەماھەنگی نێوان كەرتی تایبەت و گشتییش كۆمەڵێك بڕیاری نوێ لەلایەن ئەنجومەنی وەزیران دەركراوە.
لەو ماوەی ساڵێك كاركردنی كابینەی نۆیەم 35 پڕۆژەی رێگاوبان لە ھەرێمی كوردستان ئەنجامدراون:.
13 پڕۆژە لە پارێزگای ھەولێر
8 پڕۆژە لە پارێزگای سلێمانی
10 پڕۆژە لە پارێزگا ھەڵەبجە
4 پڕۆژە لە پارێزگای دھۆك
تێچووی گشتی ئەم پڕۆژانە كە نۆژەنكراونەتەوە 29 ملیار دینار بووە.
زۆربەی ئەو پڕۆژانەی لەلایەن حكومەتی ھەرێمی كوردستانەوە كارەكانیان تەواو كراوە و ھەندێك لە پڕۆژەكانیش كاركردن تێیاندا بەردەوامە.
پڕۆژەكانی رێگاوبان كە لە كابینەی نۆیەم دروستكراون بریتین لە 11 پرۆژە:
دروستكردنی سایدی دووەمی رێگای دەربەندی رانیە - ژاراوە لە راپەرین
دروستكردنی سایدی دووەمی رێگای كەلار - كفری لە گەرمیان
دروست كردنی رێگای كەلار - دەربەندیخان لە گەرمیان
دروستكردنی رێڕەوی دووەمی رێگای ھەڵەبجە - سەید سادق
دروستكردنی رێگای خێرای باشماخ - پێنجوێن لەگەڵ دوو یەكتربڕ لە سلێمانی
دروستكردنی رێگای دوو سایدی دووكان -چوارقوڕنە و نۆژەنكردنەوەی رێگا كۆنەكە لە سلێمانی
دروستكردنی رێگای رۆڤیا - گۆپاڵ لە دھۆك
دروستكردنی ئەندەرپاس نزیك ناوچەی سەفین لە شەقامی بارزان لە دھۆك
دروستكردنی رێگای ھەولێر - گۆپاڵ
دروستكردنی شەقامێك بۆ نەخۆشخانەی پێشمەرگە لە ھەولێر
دروستكردنی رێگا و تۆنێلی سەلاحەدین لە ھەولێر
تێچووی سەرجەم ئەم پڕۆژانەش بڕی 131 ملیارد دینار بووە.
سەرەڕای ئەنجامدانی ئەم پڕۆژانە كە نۆژەنكراونەتەوە یان دروستكراون، لە ماوەی ساڵێكدا 30 پڕۆژەی رێگای بچوك بە گوژمەی 6 ملیار دینار نۆژەنكراونەتەوە یان دروست كراون. بەمجۆرە كابینەی نۆیەم، لە ماوەی ساڵێكی تەمەنیدا 166 ملیار دیناری بۆ رێگا وبانەكان خەرجكردووە.