مەزڵووم عەبدی: بڕیاری خۆهەڵوەشاندنەوەی پەکەکە جێگەی ڕێزە
فەرماندەی گشتیی هێزەکانی سووریای دیموکرات، هیوای خواست هەموو لایەنە پەیوەندیدارەکان هەنگاوی گرنگ بنێت و پاڵپشتی لە سەرخستنی پرۆسەی ئاشتی بکەن.
دووشەممە 12ـی ئایاری 2025، مەزڵووم عەبدی، فەرماندەی گشتیی هێزەکانی سووریای دیموکرات (هەسەدە)، لە هەژماری خۆی لە تۆڕی کۆمەڵایەتی ئێکس نووسیویەتی: بڕیاری پەکەکە بۆ هەڵوەشاندنەوەی پێکهاتەی ڕێکخراوەیی خۆی و کۆتاییهێنان بە خەباتی چەکداری و گرتنەبەری سیاسەتێکی دیموکراسی لەسەر بنەمای بانگەوازی عەبدوڵڵا ئۆجەلان جێگای پێزانینە.
فەرماندەی گشتیی هەسەدە، ئاماژەی بەوە کرد، "پەکەکە لە ماوەی ڕابردوودا ڕۆڵێکی مێژوویی لە ڕۆژهەڵاتی ناوەڕاستدا هەبووە."
هاوکات دەشڵێت: دڵنیاین کە ئەم هەنگاوە زەمینە بۆ قۆناغێکی نوێی سیاسەت و ئاشتی لە ناوچەکە خۆش دەکات.
ناوبراو هیوادارە، هەموو لایەنە پەیوەندیدارەکان هەنگاوی گرنگ بنێن و هەموو لایەک پاڵپشتی لە سەرخستنی پرۆسەی ئاشتی بدەن.
Biryarên PKK’ê yên fesixkirina avahiya rêxistinî, bidawîkirina rêbaza têkoşîna çekdarî û destpêkirina pêvajoya siyaseta demokratîk, li ser banga Serok Ocalan cihê rêzdariyê ye.
— Mazloum Abdî مظلوم عبدي (@MazloumAbdi) May 12, 2025
PKK’ê di pêvajoya bihûrî de, roleke dîrokî û sereke di Rojhilata Navîn de lîst. Em di vê baweriyê de ne…
دووشەممە 12ـی ئایاری 2025، پارتی کرێکارانی کوردستان (پەکەکە) لە ڕاگەیەندراوێکدا، ئەنجامی 12ـەمین کۆنگرەی خۆی بڵاو کردەوە و ڕایگەیاند: لەژێر ڕۆشنایی بانگەوازەکەی عەبدوڵڵا ئۆجەلان، پەکەکە بڕیاری هەڵوەشانەوەی هەیکەلی ڕێکخراوەیی دا، هەروەها بڕیاری کۆتایهێنان بە خەباتی چەکداری و هەموو ئەو چالاکییانەی دا کە بەناوی ڕێکخراوەکەوە دەکرێن.
