Nêçîrvan Barzanî pîrozbahî li Elî Bapîr û Komela Dadgerî kir
Serokê Herêma Kurdistanê Nêçîrvan Barzanî pîrozbahî li Elî Bapîr û Komela Dadgerî ya Kurdistanê kir û tekezî li yekrêziya aliyên siyasî kir.
Hewlêr (K24) – Serokê Herêma Kurdistanê Nêçîrvan Barzanî pîrozbahî li Elî Bapîr û Komela Dadgerî ya Kurdistanê kir û tekezî li yekrêziya aliyên siyasî kir.
Nêçîrvan Barzanî bi boneya bidawîbûna kongreya çarem û hilbijartina Elî Bapîr weke Serokê Komela Dadgerî ya Kurdistanê, pîrozbahî li Elî Bapîr û serkirdetiya nû ya Komelê kir.
Serokê Herêma Kurdistanê tekezî li girîngî û pêwîstiya tebayî û yekrêziya aliyên siyasî û pêkhateyên Herêma Kurdistanê kir û ragihand ku "em hemû bi hev re rûbirûyî dijwariya vê qonaxa hestyar û parastina maf û destkeftên destûrî yên gelê Kurdistanê û derbaskirina kêşe û qeyranan, hevkar û hemaheng bibin.
Roja 18ê Sibata 2021ê Komela Îslamî ya Kurdistanê dest bi lidarxistina kongreya xwe ya çarem kir û di kongreyê de biryar hat dayîn ku navê Komelê were guhertin û bikin "Komela Dadgerî ya Kurdistanê".
Herwiha di kongreyê de nasnavê rêberê partiyê jî, ji “Emîr” bo “Serok” hat guhertin.
