Li Zaxoyê du bira bûn qurbaniyên teqîna otomobîlekê

Navenda Nûçeyan (K24) – Li gundekî Zaxoyê di encama teqîna otomobîlekê de, du birayan jiyana xwe ji dest dan.

Berpirsê Rêveberiya Berevaniya Sivîl a Zaxoyê Muqedem Cemal Hesen ji K24 re ragihand, îro serê sibehê li gundê Bastikê, ji ber pirsgirêkek di sîstema gazê ya otomobîleke taybet de, agir pê ket û teqiya. 

Muqedem Cemal Hesen diyar kir jî, di encama vê bûyerê de, du birayên ciwan (13 û 19 salî) ku xelkê heman gundî bûn, di nav agir de jiyana xwe ji dest dan.

Piştî bûyerê, tîmên lêkolînê û komîteyeke taybet dest bi lêkolînê kirin, da ku sedemên rastîn ên teqîn û agirgirtinê zelal bikin. Ev bûyerê xemgînî û hestek kûr a şînê li deverê peyda kir.