HDPê “Teyrênbazê Kurdistanê” şermezar kir

K24- Navenda Nûçeyan

Partiya Demokratîk a Gelan (HDP), Teyrênbazê Azadiya Kurdistanê (TAK) şermezar kir û ji Davutoglu dipirse: “Ma tu xelîfeyê DAIŞê yî?”

Hevserokê Giştî yê HDPê, Selahettin Demirtaş derbarê daxuyaniya TAKê ya ku têde berpirsyariya xwe ji teqîna Enqereyê anîbû ziman de got: “Em daxuyanî û çalakiyên TAKê ên weke xwekujiyê (…) şermezar dikin.”

Di teqîna Enqereyê de 29 kesan canê xwe ji dest dabû û bi dehan kes jî birîndar bibûn.

Demirtaş di derheqê serdana teziyeya xwekujê Enqerê de jî wiha axivî: “Êrîşa li Enqerê berî her kesî me şermezar kir. Me êrîşa xwekujiyê ne parast ne jî bilind kir. Em daxuyanî û çalakiyên TAKê ên weke xwekujiyê û gefên li ser gel qebûl nakin û em van çalakiyan şermezar dikin.”

Ji aliyekî din ve jî, Demirtaş daxuyaniyên Serokwezîrê Tirkiyê, Ahemt Davutoglu ên di derheqê agirbesta Sûriyê de jî nirxandin û got: “Tu li ser navê kê xeber dide? Ma tu xelîfeyê DAIŞê yî yan tu Serokwezîrê Tirkiyê yî?”