Li Mêrdînê civîn û xwepêşandan hatin qedexe kirin

Li aliyê din qdexeya derketina derve ya ku, di 14ê Adarê ve li Nisêbînê de hatî ragihandin, hê jî berdewam dike.

Kurdistan24 Hewlêr 2016/04/23 06:08

kurdistan Bakurê Kurdistanê Mêrdîn Qedexe

K24- Navenda Nûçeyan

Li Mêrdînê civîn, çalakî, xwepêşandan û civînên çapemeniyê hatin qedexekirin.

Derbarê wê qedexeyê Parêzgariya Mêrdînê daxuyaniyek belav kir, tê de li tevayî parêzgeha Mêrdînê ji bu 30 rojan hemû coreyên civîn, çalakî, daxuyaniyên çapemeniyê û xwepêşandan qedexe kir.

Parêzgariya Mêrdînê di vê derbarê de daxuyaniyek da û wiha got: "Egera wê yekê heye rêxistina terorê Mêrdînê ji bo propagandaya xwe bikarbêne û ev jî ji bu, ewlekariya welatiyan metirsîdare."

Qedexe ji roja 22ê Nîsanê ve destpê kir û wê 30 rojan berdewam bike. Li gorî biryarê bi ti awayî destûr nayê dayîn ku, çalakî, civîn, xwepêşandan, daxuyaniyên çapemeniyê û vedana çadiran pêkwerin.

Li aliyê din qdexeya derketina derve ya 14ê Adarê li Nisêbînê hatî ragihandin, hê jî berdewam dike.