Siyasî

Pîlotbîroya PDK-Sê ligel Serokê Herêma Kurdistanê dicive

Pîlotbîroya Partiya Demokrata Kurdistanê – Sûriye (PDK-S) serdana Serokê Herêma Kurdistanê Masûd Barzanî dike û rewşa Rojavayê Kurdistanê ligel Barzanî behs dike.

Kurdistan24 Hewlêr 2016/06/02 13:05

kurdistan Masûd Barzanî Başûrê Kurdistanê Pîlotbîro PDK-S Siûd Mela Fazil Mîranî PDK

K24 – Hewlêr

Pîlotbîroya Partiya Demokrata Kurdistanê – Sûriye (PDK-S) serdana Serokê Herêma Kurdistanê Masûd Barzanî dike û rewşa Rojavayê Kurdistanê ligel Barzanî behs dike.

Endamê Pîlotbîroya PDK-Sê Seêd Omer ji K24ê re ragihand, ku îro Pîlotbîroya PDK-Sê bi serokatiya Sekreterê PDK-Sê Siûd Mela, serdana serdana Serokê Herêma Kurdistanê Masûd Barzanî kir û rewşa krîza Sûriyê û bi taybetî pêşhatên vê dawiyê yê Rojavayê Kurdistanê, deriyê sînorî Sêmalka û rewşa Pêşmergeyên Rojava hatin gotûbêjkirin.

Ji aliyê xwe ve, Serokê Herêma Kurdistanê Mesûd Barzanî, pesnê gelê Kurd li Sûriyê da û ragihand, ku Kurd li wir ne bi tenê ne û Başûrê Kurdistanê bi hemû hêza xwe piştevaniya mafê wan ê rewa li Sûriyê dike.

Ji hefteyekê ve, Pîlotbîroya PDK-Sê li Başûrê Kurdistanê ye, berî du rojan jî li ser heman mijaran ligel Sekreterê Pîlotbîroya Partiya Demokrata Kurdistanê (PDK) Fazil Mîranî civiyabûn.