Elî Ewnî: Sîxorî karê PKKê ye ne yê PDKê ye

K24 – Navenda Nûçeyan

Endamekî Serkirdeyatiya Partiya Demokrata Kurdistanê (PDK) derbarê desteserkirina hejmarek ji endam û alîgirên PDKê ji aliyê PKKê ve, bi tuhmeta sîxoriya li ser baregehên wê de, ragihand ku, sîxoriya ji welatan re karê PKKê ye, ne ya PDKê ye.

Endamê Serkirdeyatiya PDKê Elî Ewnî ji K24ê re got: “Sîxoriya ji welatan re ne karê endmên PDKê ye, alîgirên PDKê jî berevaniya Kurdistanê dikin, lê belê sîxorî karê PKKê ye. Piştî azadkirina Iraqê dosyên wan aşkere bûn û diyar bû kî karê sîxoriyê dike.”

Elî got jî: “Wek PDKê, her endam û alîgirekî me bê girtin, emê helwistên xwe bigirin.”

Partiya Karkerên Kurdistanê (PKK) di medyayên xwe belav kir ku, çend kes bi tuhmeta sîxoriya ji PDK û MÎTa Tirkiyê girtine û ew kes jî endam û alîgirên PDKê ne.