Goran daxwaz dike, pirsgirêkan bi PDKê re bi guftûgo çareser bikin

K24 – Navenda Nûçeyan

Serkirdayekî pilebilind ê Tevgera Goranê li ser gora Newşîrwan Mistefa li girê Zergete ya Silêmaniyê daxwaz dike ku pirsgirêkên di navbera wê tevgerê û Partiya Demokrat a Kurdistanê (PDK) bi guftûgo bêne çareserkirin.

Serkirdeyê di Tevgera Goranê de Omer Şeyid Elî di konferansa rojnamevanî ya ligel Serokê Hikûmeta Herêma Kurdistanê Nêçîrvan Barzanî de li ser gora Newşîrwan Mistefa ragihand: “Hêvîdar in ew nakokî û pirsgirêkên ligel di navbera tevgera rizgarîxwaza gelê me de heye, bi taybet ya yên di navbera Tevgera Goran û PDKê de, bi diyalogê û birayetî bêne çareserkirin.”

Serokê Hikûmeta Herêma Kurdistanê Nêçîrvan Barzanî Îro bi serdanekê gihêşte Silêmaniyê û girê Zergete tacegulek danî ser gora Newşêrwan Mistefa û ragihand ku, bi hev re gelek karên hevbeş kiribûn û serkeftin bidest xistibûn.