Penabereke Sûrî bû Balyoza Niyazpakiyê

K24 – Navenda Nûçeyan

Netewên Yekgirtî penabereke Sûrî wek Bakyoza Niyazpakiyê destnîşan kir, ku bû yekem penaber û biçûktirîn balyoz di dîroka Netewên Yekgirtî.

Netewên Yekgirtî penaber û çalakvana Sûrî Mizwên El-Milîhan wek Balyozê Niyazpakiyê ji bo rêxistina Unisefê destnîşan kir. Rêveberê Cibicîkar di Unisefê de Justin Forsyth jî ragihand, “Hêz û wêrekiya Mizwên El-Milîhan karînê dide me ku em armancên xwe yên mirovî bicih bînin û em serbilind in ku ew keça Sûrî bibe Balyoza Niyazpakiyê bo rêxistina me.”

Mizwên El-Milîhan 19 salî ye, ligel malbata xwe ji sala 2013an ve ji Sûriyê reviyan û li kampa Zeterî ya li Urdinê dime. Ji ber çalakî û alîkariya wê bi penaberan re di kampa Zeterî de jî, gelekî deng vedabû.