60 welatiyên Efrînê ji aliyê grûpên çekdar ve hatin revandin

K24 – Navenda Nûçeyan

Çekdarên her du bajarokên Nubil û Zehra yên Şîenişîn zêdetirî 60 welatiyên Kurd li ser riya Heleb - Efrînê direvînin.

Rojnamevan Mihemed Bilo ji Efrînê ji K24ê re ragihand, ji duh ve grûpên çekdar ên bajarokê Nubil û Zehra rêbend li nêzîkî gundê Mayirê li ser riya Heleb – Efrîn danîne û zêdetirî 60 welatiyên Kurd revandine û revandina welatiyan heta niha jî berdewam e.

Li gor zanyariyên Bilo, ku hin welatiyên Nubil û Zehra di zîndanên asayişa Efrînê de girtî ne, ev grûpên çekdar jî welatiyên Efrînê direvînin û bi wan bazara berdana wan girtiyan dikin.

Nubil û Zehra du bajarokên Şîe ne 35 K.m li başûrê Efrînê li ser riya Heleb – Efrînê dikevin. Gelek caran jî welatiyên Efrînê dibin sedema nakokiyên di navbera her du aliyan de.