ENKS ji Amerîka û civaka navdewletî dixwaze êrîşa Heşdê rawestînin

ENKS tekez dike ku biryarên siyasî û serbazî yên Iraqê di destê Îranê de ne.

Kurdistan24 Hewlêr 2017/10/16 18:23

kurdistan ENKS Amerîka Kerkûk Heşda Şeibî

K24 – Navenda Nûçeyan

Encûmena Niştimanî Kurd li Sûriyê (ENKS) daxwaz ji civaka navdewletî û Amerîka kir ku bi berpirsatiya xwe rabin û êrîşa çekdarên Heşda Şeibî li ser Kurdistana Başûr rawestînin.

Emîndariya giştî ya ENKS di daxuyaniyekê de ragihand: "Çekdarên Heşda Şeibî û artêşa Iraqê û Supaya Pasdarên Îranê, ji bo şikandina îradeya gelê Kurdistanê êrîşî Kerkûkê kirine û ev yek tekez dike ku biryarên siyasî û serbazî yên Iraqê di destê Îranê de ne.

ENKS di daxuyaniya xwe de ji bilî şermezarkirina wê êrîşê, daxwza ji civaka navdewletî û Amerîka kir ku bi berpirsatiya xwe rabin û êrîşa li ser Kurdistanê rawestînin û gelê Kurdistanê biparêzin.