Gefên şêwirmendê Xamineyî li Seed Herîrî eşkere dibin
K24 - Navenda Nûçeyan
Malpereke Îranî, roja çarşemê naveroka civîna di navbera, şêwirmendê rêberê bilindê Îran Elî Ekber Wîlayetî û serokwezîrê Lubnanê Seed Herîrî eşkere kir.
Wê malpera Îranî li ser zimanê jêderekî haydar ragihand: "Elî Ekber Wîlayetî gef li Seed Herîrî kiriye û jêre gotiye, heger pêbendî ferman û rênmayên Îranê nebe wê tevliheviyeke mezin li welatê wî û li herêmê çêbibe."
Li gorî hemanê jêderî, Wîlayetî gotiye: "Divê ew wek serokwezîrê Lubnanê piştevaniya xwe ji milîsên Hizbullahê re rabigehîne, heger neke wê rasterê bandor li ser çarenivîsa wî bibe û dê weke bavê wî Refîq Herîrî lê bê."
Hevdîtina Herîrî û Wîlayetî roja şemiya derbasbûyî bû, piştî wê hevdîtinê Seed Herîrî ji Riyadê paytexta Siûdiyê gotareke televizyonî pêşkêş kir û ji bilî ragihandina destjikarkişana xwe got: "Niha rewşa Lubnanê wek ya ku bavê wî Refîq Herîrî têde hat terorkirin, Îran destdirêjiyê dike û divê destên wê bên jêkirin, ji ber ku li her cihekî Îran hebe, wêrankarî û tevlihevî çêdibe."