Bi wêne.. Cihên bombebarana artêşa Tirkiyê li ser Efrînê bibîne

K24 – Navenda Nûçeyan

Êrîşên esmanî û nijahî ya artêşa Tirkiyê û mîlîşyayên ser bi wê li ser Efrînê berdewam in û li hemberê jî hejmara qurbaniyan ji welatiyên sivîl ku piraniya wan jin û zarok in zêde dibin.

Artêşa Tirkiyê roja 20ê vê mehê bi fermî operasyona leşkerî ya bi navê “Operasyona Şaxa Zeytûnê” ragihand, îro jî di roja 10emîn de berdewam e. di van 10 rojan de firokeyên artêşa Tirkiyê gelek komkujî li gundên Efrînê kirine.  

Her di vê derbarê de Rêvebirê Nexweşxaneya Avrînê Dr.Xelîl Sebrî ji K24 re got: “Ta niha 37 şehîd guhêtine nexweşxaneya Avrînê, ji bilî vê jî gelek sivîlên şehîd hene di cih de canê xwe jidest dane û laşên wan qutqutî bûne, loma xwediyên wan bêyî ku bînin nexweşxaneyan vedişêrin û hejmara wan li nexweşxaneya me nîn e. Li nexweşxaneyê jî 67 birîndarên ku birînên wan giran in hene.”

Ji aliyê xwe ve, îro Desteya Cibicîkar a Rêveberiya Xweser di konferanseke rojnamevaniyê de ragihand, ji destpêka operasyona li dijî Efrînê de 100 sivîl şehîd bûne zêdetirî 200 kesî jî birîndar bûne.