Siyasî

YPG: Me ti rêketin bi Hikûmeta Sûryê re nekirine

Rojhat Roj: Ev 28 roj in gelê Efrînê rûbrûyê êrîşên Tirkiyê dibe û heya niha jî, ti hêz ne alîkarî û ne jî çek pêşkêşî me nekiriye.

Kurdistan24 Hewlêr 2018/02/16 12:34

kurdistan YPG Efrîn Artêşa Sûryê Amerîka Tirkiyê

K24 - Navenda Nûçeyan

Fermandar di Yekîneyên Parastina Gel de Rojhat Roj raghand, nûçeyên ku belav bûne û behsa derbasbûna artêşa Sûryê ji bo Efrînê dikin, ne rast in û got: "Ti rêketin û civîn di navbera me û rêjîma Sûryê de çênebûne".

Rojhat Roj got jî: "Ev 28 roj in gelê Efrînê rûbrûyê êrîşên Tirkiyê dibe û heya niha jî, ti hêz ne alîkarî û ne jî çek pêşkêşî me nekiriye".

Derbarê daxuyaniya wezîrê berevaniya Tirkiyê, ku têde dibêje, Amerîka ji wan re gotiye ew dikarn YPG di şerê li dijî PKKê de bikarbînin, Rojhat Roj ti bersiv neda, lê got: "Di demeke nêzîk de, wê fermandariya giştî ya YPGê bersiva vê mijarê bide".