CHP: Namzediya Gul a Serokomariyê ne di rojeva me de ye

K24 – Navenda Nûçeyan

Cîgirê Serokê Fraksiyona Partiya Komarî ya Gel (CHP) di Parlementoya Tirkiye de Ozgur Ozel bi daxûyaniyekê ragihand ku: “Namzediya Abdullah Gul ji bo Serokomariyê tu caran nehatiya rojeva Partiya me”.

Ozgur Ozel herweha nûçeyên medyayî ku, dê Abdullah Gul bibe namzedê opozisyonê bi derew derxist: “Besê! Ewqas  gotegot bes derew in. Dixwazin gengeşeyek nerast dinav me de derbixin. Di rojeva CHP de tu caran navê Gul ji bo Serokomariyê nehatiye axaftin û dê tu caran jî neyê rojeva me”.

Bi taybetî di medya Tirkiye de dihat axaftin ku, Abdullah Gul wekî bijardeya yekem a Opozisyona Tirkiye ye û liser vê yekê dinav Opozisyonê de gelek civîn û hevdîtin hatine lidarxistin.

C.B