Siyasî

Şandeke Almanî serdana Rojavayê Kurdistanê dike

Şanda Almanî: Emê wek perlemanterên Partiya Çep a Almanî, kar ji bo têkbirina siyaseta Almanya û Tirkiyê li Efrînê bikin.

Kurdistan24 Hewlêr 2018/05/29 05:11

kurdistan Almanya Rojavayê Kurdistanê Qamişlo Amûdê

K24 - Navenda Nûçeyan

Ajanseke nûçeyan ku nêzîkî PYDê ye ragihand, ku duh şandeke Almanî ji perlemanterên Partiya Çep a Almanî li gel hejmarek ji akademisyenan serdana Navenda Desteya Pêwendiyên derve li bajarê Qamişlo kir.

Endamên wê şandê dane xuyakirin, ku armanca serdana wan piştgiriya Rojavayê Kurdistanê û ji nêzîk ve şopandina rewşa Efrînê ye.

Di civîna herdu aliyan de jî, şanda Almanî diyar kir, ku Hikûmeta Almanya di pirsa Efrînê de piştgiriya Tirkiyê dike, lê ewê wek perlemanterên Partiya Çep a Almanî, kar ji bo têkbirina siyaseta Almanya û Tirkiyê li Efrînê bikin.

Biryar e şanda Almanî, serdana bajarên Amûdê, Kobanê, Minbic û serdana dezgehên (rêveberiya xweser) jî bikin.

N.O