Di xwepêşandana Zîqarê de 28 kes birîndar bûne
K24 – Navenda Nûçeyan
Li parêzgeha Zîqarê ya li başûrê Iraqê girjî û alozî ket navbera xwepêşanderan û hêzên ewlehiyê û bi guleyan rûbirûyî hev bûne.
Li gor zanyariyên K24ê, 15 endamên hêzên ewlehiyê bi keviran birîndar bûne, li hemberê jî 13 xwepêşander bi guleyên hêzên ewlehiyê birîndar bûne û bo nexweşxaneyan hatine veguhastin.
Jêder behsa wê yekê dikin, dema xwepêşanderan xwastine bikevin ser avahiya Encûmena Parêzgehê, di navbera wan û hêzên ewlehiyê de alozî derket û hemû karmendên wê encûmenê jî reviyan.
Hêzên ewlehiyê bi gule û gaza rondikrêj hewl dan xwepêşanderên ku li pêş Encûmena Parêzgeha Zîqarê kom bûne belav bikin.
Herwiha, xwepêşanderan baregeha rêxistina zîndana siyasî şewitandine û niha berê xwe baregehên partiyan.
Ji ber nebûna av, kehrebe û bilindbûna rêjeya bêkariyê, hefteyek e xwepêşandan li hejmarek parêzgehên başûr û naverasta Iraqê rû didin.
S. B