Sekreterê Giştî yê HDK birîndar bû

K24 – Navenda Nûçeyan

Di êrîşa mûşekî ya li ser baregehên Partiya Demokrat a Kurdistanê yê Rojhilatê Kurdistanê (HDK) yên li bajarê Koyê yê Başûrê Kurdistanê de Sekreterê Giştî yê HDK Mistefa Mewlûdî û sekreterê berê Xalid Ezîzî birîndar bûn.

Şanderê K24ê bo Koyê da zanîn, di encama êrîşa li ser baregehên Polîtburoya HDK û HDK-Î yên li Koyê, hejmarek kes şehîd û birîndar bûn, di nava wan de Sekreterê Giştî yê HDK Mistefa Mewlûdî û sekreterê berê Xalid Ezîzî birîndar hebûn.

Şanderê K24ê da zanîn jî, dema êrîş li ser baregehên HDK û HDK-Î li Koyê bûne, di wan baregehan de civîn hebûn.

Amaje bi wê jî kir, ew avahiyên hatin bombebaran kirin hatin rûxandin û hejmarek mezin ji serkirde û endamên HDK û HDK-Î birîndar bûn.

Sekreterê Lawên HDKê Pêşewa Elîpor ji K24ê re ragihand, êrîşî ji esman ve hate kirin, berê jî êrîş li baregehên me bûbûn, lê ev yekem car e ji esman êrîş hatiye kirin.

S. B