“Bexdadî xwe veşartiye û firoke li dû wî digerin”
K24 – Navenda Nûçeyan
Li gor raporteke rojnameya “Sunday Times” a Brîtanîm Rêberê DAIŞê Ebû Bekir Bexdadî li navçeyeke xwe veşartiye û firokeyên Hevpeymaniya Navdewletî ya li dijî DAIŞê wî bicih nahêlin. DAIŞ jî plana encamdana kiryarên teroristî li Ewropa dadirêje.
Rojnameya Brîtanî nivîsiye, şikestina DAIŞê li Baxozê nayê wateya bidawîhatina DAIŞê, ji ber ku li dawî pêgeha DAIŞê belge ketine destan ku ev rêxistina terorê amadekariyê dikin û ji bo piştevaniya endamên şanên nivistî li Ewropa bikin.
Di nameyekê de ku di meha Çileya bûrî bo serkirdeyekî xwecihî li Sûriyê hatiye şandin û navê Ebû Tahir Tacîkî tê de hatiye, ku plana wî ji bo hevkariya endamên DAIŞê li Ewropa heye ji bo encamdana kiryarên terorî û li derveyî Sûriye jî xelkekî din bike endam û çakdarên DAIŞê.
Di wê namyê de tê behskirin, ku hin kes ser bi Ebû Tahir Tacîkî ve hene dikarin li navçeyê derveyî Iraq û Sûriyê kar bikin û tê xwastin molet bo wî were dayîn ku ofîsa pêwendiyên derve ji bo serperiştîkirin û rêvebirina kiryarên teroristî li Ewropa û hin navçeyên damezrîne.
Rojnameya Brîtanî amaje bi wê jî kiriye, Bexdadî û hevalên xwe, xwe li beyabana di navbera Iraq û Sûriyê de veşartiye û ji bo xwe winda bike, her car cihê xwe diguhêre, lê firokeyên Hevpeymaniya Navdewletî bi berdewamî çavdêriya wê navçeyê dikin.
S. B