Siyasî

Peyama sersaxiyê ya Serok Barzanî bo koça dawî ya Barzan Mela Xalid

Serok Mesûd Barzanî bi boneya koça dawî ya Barzan Mela Xalid, pêşmergeyê dêrîn û medyakarê serdema şoreşê û dengê Kurdistanê, peyama sersaxiyê belav kir.

Kurdistan24 Hewlêr 2020/08/25 14:06

kurdistan Serok Barzanî Barzan Mela Qadir Peyam Sersaxî

K24 – Hewlêr

Serok Mesûd Barzanî bi boneya koça dawî ya Barzan Mela Xalid, pêşmergeyê dêrîn û medyakarê serdema şoreşê û dengê Kurdistanê, peyama sersaxiyê belav kir.

Peyama Serok Mesûd Barzanî wiha ye:

Bi navê Xwedayê mezin û dilovan

Bi xemeke zêde ve nûçeya koça dawî ya Pêşmerge û têkoşerê gelê me û dengê zelal ê ragihandina şoreşê Barzan Mela Xalid gihîşt me. Dengê Barzan Mela Xalid dengê Pêşmerge û dengê azadîxwazî û xebat û berxwedana gelê Kurdistanê bû û herdem li bîra azadîxwazan da dimînê.

Serxweşiyê li xwe û malbata niştimanperwer û têkoşerê Xwedê jêrazî Barzan Mela Xalid û hemû hevalên wî û medyakar û xelkê niştimanperwerên Kurdistanê dikim. Ji Xwedayê mezin hêvîdar im Xwedê jêrazî bi bihûşta fireh şad bike û hedar û aramiyê bi hemû aliyek bibexşîne.

Înna Lîllah We Înne Îleyhî Racîûn (Em ji Xweda Hatin û Emê Dîsa Vegerin Xweda)

Mesûd Barzanî

25 Tebax 2020