Siyasî

Herêma Kurdistanê bilindtirîn amara mirina bi Koronayê tomar kir

– Wezareta Tendirustiyê ya Herêma Kurdistanê ragihand, di 24 demjimêrên bûrî de 29 kesan bi vîrûsa Koronayê canê xwe jidest dane.

Kurdistan24 Hewlêr 2020/09/17 11:02

kurdistan Herêma Kurdistanê Hewlêr Silêmanî Duhok Helebce Covid-19

Navenda Nûçeyan (K24) – Wezareta Tendirustiyê ya Herêma Kurdistanê ragihand, di 24 demjimêrên bûrî de 29 kesan bi vîrûsa Koronayê canê xwe jidest dane.

Wezareta Tendirustiyê di daxuyaniyekê de belav kir, di 24 demjimêrên bûrî de, 680 kes bi vîrûsa Koronayê ketine, ji wan 206 kes li Hewlêrê, 114 kes li Silêmaniyê, 25 kes li Germiyanê, 305 kes li Duhokê û 30 kes li Helebceyê ne.

Wezareta Tendirustiyê diyar kir jî, 29 kesan bi Koronayê canê xwe jidest dan, ji wan 6 kes li Hewlêrê, 7 kes li Silêmaniyê,, 2 li Germiyan, 2 kes li Raperîn û 12 kes li Duhokê ne.

Amarên giştî:

Pêketin: 39341 (Hewlêr: 15054, Silêmanî: 14305, Duhok: 8649, Helebce: 1333)

Mirin: 1446 (Hewlêr: 509, Silêmanî: 759, Duhok: 155, Helebce: 23)

Başbûn: 24792 (Hewlêr: 11416, Silêmanî: 9206, Duhok: 2942, Helebce: 1228)

Wezareta Tendirustiyê, ji bilî ku destxweşiyê li karmendên tendirustiyê û hemû tîmên bijîşkî yên li ser kar in dike, careke din daxwaz ji welatiyan dike, pabendî rênimayên tendirustiyê bibin û ji cihê qerebalix dûr bikevin û mask û lepikan bikar bînin. Herwiha di dema pêwîst de jî pêwendiyê bi hêla germ hejmar (122) re bikin.