PDKê dema lidarxistina kongreya xwe ragihand

Sekreterê Polîtburoya Partiya Demokrat a Kurdistanê (PDK) Fazil Mîranî dema lidarxistina kongreya PDKê eşkere kir.

Kurdistan24 Hewlêr 2021/02/23 16:21

Alaya Partiya Demokrat a Kurdistanê (PDK)

Hewlêr (K24) – Sekreterê Polîtburoya Partiya Demokrat a Kurdistanê (PDK) Fazil Mîranî ragihand ku PDK kongreya xwe ya çardehem dê di 26ê Gulanê de li dar bixe.

Fazil Mîranî ji rojnamevanan re axivî û eşkere kir; roja 26ê Gulana 2021ê, Partiya Demokrat a Kurdistanê (PDK) kongreya xwe ya çardehem li dar dixe.

Biryar bû kongreya çardehem di sala 2014an de bihata sazkirin, lê ji ber rewşa Herêma Kurdistanê û serîhildana şerê DAIŞê, şert û merc ji bo lidarxistina kongreyê guncaw nebû.

Partiya Demokrat a Kurdistanê (PDK) di 16ê Tebaxa 1946an de hat damezrandin.