Mafê parlamenteriyê ji parlamenterê HDPê hat standin

Navenda Nûçeyan (K24) - Mafê parlamenteriyê ji Parlamenterê Partiya Demokratîk a Gelan (HDP) Omer Faruk Gergerlîoglu hat standin. Gergerlîoglu da xuyakirin ku biryar dijî îradeya gel e û ew biryarê nas nake.

Biryara sizaya zîndankirinê ya 2 sal û şeş meh ku li Parlamenterê HDPê hatibû dayîn, li Civata Giştî ya Parlamentoya Tirkiyeyê de hat xwendin. Bi xwendina biryarê re mafê parlamenteriya Parlamenterê HDPê Omer Faruk Gergerlîoglu jê hate standin.

Gergerlîoglu da xuyakirin, ew ji parlamentoyê dernakeve û biryarê nas nake, biryar dijî îradeya gel e.

Parlamenterên HDP û CHP jî biryar şermezar kirin û piştevaniya gergelîoglu kirin.

Piştî Gergerlîoglu hejmara parlamenterên HDPê yên li Parlamentoya Tirkiyê, dadikeve 55 kesan.

Herwiha hejmara giştî ya parlamenterên Tirkiyê jî daket 584 kesan