Şandeke Wezareta Navxwe ya Herêmê rewşa navçeyên Kurdistanî bi Kazimî re guftûgo dike
Navenda Nûçeyan (K24) – Bi mebesta amadekariyên ji bo hilbijartinê û girtina rêkarên ewlehiyê û bi taybet li navçeyên Kurdistanî yên li derveyî îdareya Herêma Kurdistanê, şandeke Wezareta Navxwe ya Herêma Kurdistanê li Bexdayê bi Serokwezîrê Iraqê Mistefa Kazimî re civiya.
Nûnerê Wezareta Navxwe û Pêşmerge di Odeya Operasyonên Hevbeş ên Iraq Lîwa Telhet Ebdulxaliq ji K24ê re got: “Derbarê amadekariyên hilbijartinê û girtina rêkarên ewlehiyê û bi taybet li navçeyên Kurdistanî yên li derveyî îdareya Herêma Kurdistanê, roja 2ê Cotmehê şandeke Wezareta Navxwe ya Herêma Kurdistanê bi beşdariya rêveberên polîsên Hewlêr, Silêmanî û Duhokê serdana Bexdayê kir.
Lîwa Telhet Ebdulxaliq diyar kir, li Encûmena Wezîran û bi amadebûna Mistefa Kazimî, civînek bi berpirsên ewlehî û leşkerî yên hemû parêzgehên Iraqê re hat girêdan.
Detnîşan kir jî: “Di civînê de ji me re Serokwezîrê Iraqê ragihand, wek Herêma Kurdistanê û Wezareta Navxwe, hemû amadekarî ji bo rojên hilbijartinê kirine û hemû pêwîstî hatine dabînkirin.”
Herwiha diyar kir jî, di civînê de guftûgoyên zêdetir li ser proseya hilbijartinê li navçeyên Kurdistanî yên li derveyî îdareya Herêma Kurdistanê hatin kirin û Serokwezîrê Iraqê tekez kir ku, nabe ti hêzek binpêkirinan li wan navçeyan bikin.
Lîwa Telhet Ebdulxaliq da zanîn, çand tîmên ser bi Netewên Yekgirtî û Yekîtiya Ewropa ji bo çavdêrîkirina hilbijartinan gihîştina parêzgehên Herêma Kurdistanê, ji ber wê her rêgirî û binpêkirinek dê neyê qebûlkirin.