Dara Xêvik a Gilyasê bi Kurdî hat çapkirin

Helbestên ku di vê berhemê de cih digirin ji hêla nivîskarê navdar Mehmed Uzun û wergêr Memê Mala Hine ve bo Kurdî hatine wergerandin.
author_image Adem Ozgur
Pirtûka Dara Xêvik a Gilyasê
Pirtûka Dara Xêvik a Gilyasê

Hewlêr (K24) - Dîwana helbestan a Ali Biçer a bi navê "Dara Xêvik a Gilyasê" ji hêla Weşanxaneya Nas ve hate çapkirin.

Heta niha pênc pirtûkên helbestan ên bi zimanê tirkî yên Ali Biçer hatibûn weşandin, pirtûka "Dara Xêvik a Gilyasê" jî ji helbestên wî yên berê pêk tê û helbestên ku di vê berhemê de cih digirin ji hêla nivîskarê navdar Mehmed Uzun û wergêr Memê Mala Hine ve bo Kurdî hatine wergerandin.

Helbestên ku Mehmed Uzun wergerandine Kurdî di salên 1990î de di kovara Nûdemê de hatine belavkirin. Helbestên din ên vê berhemê jî ji hêla Memê Mala Hine ve hatine wergerandin.

Ali Biçer ku ji Kurdên Yozgatê ye û di sala 1960an de hatiyê dinê, di sala 1981an de ji ber xebatên xwe yên siyasî û Kurdewar hatiye girtin û 15 salan di girtîgehê de maye. Helbestvanê Kurd piştî ku ji girtîgehê derdikeve li Swîsreyê bi cih dibe û li wir li ser sînema û gastronomiyê perwerde dibe. Wî ji bilî pirtûkên helbestan, pirtûkên çîrok û xwarinê yên bi zimanê almanî nivîsandine, derhêneriya çend kurtefîlm û belgefîlman kiriye.

Pirtûkên Ali Biçer ev in:

Kulîlkên Newrozê, helbest (tirkî), 1990

Vegotina Gulê, helbest (tirkî), 1993

Bawerî, Evîn û Xewn, helbest (tirkî), 1995

Dîroka Kurt a Evînê, helbest (tirkî), 1998

Îro Nikarim Bê Te Bim, helbest (tirkî), 2007

Dehfik, çîrok (almanî), 1997

Afirandina Zimanekî - Mehmed Uzun, Hevpeyvîn

Ali Baba Fingerfood, pirtûka xwarinan (almanî), 2010

Die Heimat, die Freiheit und andere Marchen, çîrok (almanî), 2013

Orientalisch Vegan und Vegetarisch, pirtûka xwarinan (almanî), 2019

Berhemên wî yên sînemayî:

Evîna Fûtbolê (kurtefîlm), 2007

Du Derî, (kurtefîlm), 2008

Çemek, Du Qerax, (kurtefîlm), 2008

Şahiya Di Berfê De, (kurtefîlm), 2010

Dawet, (kurtefîlm), 2010

Swîsre Girtîgehek e, (belgefîlm), 2010

Berhemên wî yên şanoyî:

Raz (Li Swîsreyê hate pêşandan)

Jina Nûh