Wezareta Perwerde û Peymangeha Goethe rêkeftinek îmze kir
Hewlêr (K24) – Wezareta Perwede ya Herêma Kurdistanê ragihand, rêkeftinek ligel Peymangeha Goethe ya Almanî di warê pêşvebirina perwerde û fêrkirinê de îmze kirine.
Li gor daxuyaniya Wezareta Perwerdeyê, îro 10ê Gulana 2022yan, Wezîrê Perwerdeyê Alan Hemeseîd Salih tevî Rêveberê Giştî yê Dîwan û Rêveberê Giştî yê Amadehî û Pîşeyî yê li Wezareta Perwerde, pêşwazî li Konsulê Giştî ya Almanyayê Klemens Semtner û Rêvebera Peymangeha Goethe Anais Boelicke û şanda ligel wan kir.
Herwiha eşkere kir, ligel şanda Almanî tekezî li bihêzkirina pêwendiya navbera herdu aliyan kirine, bi taybetî di warên pêşvebirina perwerdehî û fêrkirinê û pêşvebirina dibistanên Almanî yên li Herêma Kurdistanê.
Wezareta Perwerde diyar kir, rêkeftina ligel Peymangeha Goethe ya Almanî bo dema çar salan hatiye îmzekirin.