Erdogan: Em ji bo pêşerojeke baştir û demokrasiya Tirkiyê dua dikin

Navenda Nûçeyan (K24) – Namzedê Serokomariyê yê Tifaqa Cumhur, Recep Tayyîp Erdogan bang li hilbijêran kir ku dengê xwe bidin.

Serokomarê Tirkiyê û Namzetê Serokomariyê, Recep Tayyîp Erdogan li navçeya Uskudarê ya Stenbolê dengê xwe da.

Namzedê Serokomariyê yê Tifaqa Cumhur Recep Tayyîp Erdogan piştî dengdanê daxuyaniyek kurt da û bang li hilbijêran kir ku dengê xwe bidin.

Erdogan destnîşan kir ku hilbijartin bê pirsgirêk derbas dibin û got ku li herêma erdhejê jî dengdan bê pirsgirêk dewam dike.

Erdogan got: “Hêvîdar im ku piştî hejmartinê, êvarê em ji Xwedê ji bo pêşerojeke baştir ji bo welat, miletê xwe û demokrasiya Tirkiyê dua bikin.”

Erdogan got jî: “Ji bo nîşandana hêza demokrasiya Tirkiyê, gelekî girîng e ku hemû hilbijêrên me heta saet 17.00'an bê dudilî dengên xwe bidin.”