Barbara Leaf: Herêma Kurdistanê beşeke bingehîn a pêwendiyên me yên ligel Iraqê ye
Navenda Nûçeyan (K24) – Alîkara Wezîrê Derve yê Amerîka ji bo Karûbarên Rojhilata Navîn ragihand, “Herêma Kurdistanê beşeke bingehîn a pêwendiyên me yên 360 pileyan ligel Iraqê ye.”
Alîkara Wezîra Derve ya Amerîkayê bo Karûbarên Rojhilata Navîn Barbara Leaf bi Wezîrê Navxwe yê Herêma Kurdistanê Rêbar Ehmed re civiya û di tweetekê de naveroka civînê aşkere kir.
Barbara Leaf nivîsî: “Herêma Kurdistanê beşeke bingehîn a pêwendiyên me yên 360 pileyan ligel Iraqê ye. Spasiya serdana Wezîrê Navxwe Rêber Ehmed dikim ku derfetek bû bi awayekî aşkere behsa mafên mirovan û pêşhatên girîng ên li Herêma Kurdistanê, Bexda û navçeyê bikin.”
The KRG remains integral to our 360-degree relationship with Iraq. A/S Leaf was grateful for Interior Minister Ahmed's visit and the opportunity to have a candid exchange on human rights, & important developments in the IKR, Baghdad, and the region. Thanks for the reading. pic.twitter.com/mfHdqVTaEF
— U.S. State Dept - Near Eastern Affairs (@StateDept_NEA) June 18, 2023
Ji aliyekî din ve Balyoza Amerîka li Iraqê Alina Romanowski ragihand, hatina du şandên bazirganiyê yên Amerîkayê bo Herêma Kurdistanê di heyama mehekê de, nîşana bihêzbûna pêwendiyên aborî yên di navbera her du welatan de ye.
Romanowski di tweetekê de got: “Jûra Bazirganî ya Amerîka û Encûmena Bazirganî ya Amerîka û Iraqê di bin navê bilezkirina dabînkirina sîstema xwarekê bi awayekî seqamgîr de, dêli Hewlêr û Silêmaniyê, dê bi karsazan re bicivin. Hatina du şandên bazirganiyê yên Amerîkayê bo Herêma Kurdistanê di heyama mehekê de, nîşana bihêzbûna pêwendiyên aborî yên di navbera her du welatan de ye.”
.@uschamber US -Iraq Business Council “Farm to Fork” trade mission of US companies will be in #Erbil & #Sulaymaniya this week to meet w/ Iraqis & see firsthand the business environment. Two US trade delegations in one month is another sign of our strong economic partnership.
— Ambassador Alina L. Romanowski (@USAmbIraq) June 18, 2023