Pêşewa Hewramanî: Proseya çaksaziyê di çendîn waran de dest pê kiriye

Hewlêr (K24) – Berdevkê Hikûmeta Herêma Kurdistanê Pêşewa Hewramanî ragihand, vîzyona Serokwezîrê Herêma Kurdistanê Mesrûr Barzanî li hember proseya çaksaziyê ku ji bo wê dixebite,  ew e ku tenê ji bo qezenc û sûda gel be.

Pêşewa Hewramanî di Panela Navenda Bilind a Akrê de ya li jêr navnîşana "Çaksazî, Dîjîtalkirina Hikûmetê, Veberhênan" ragihand, proseya çaksaziyê di çendîn waran de dest pê kiriye.

Hewramanî diyar kir: “Yek ji wan pêngavên çaksaziyê ku eger em wek nimûne bibêjin, elektrîka niştimanî ye û li 20 yekeyên niştecîbûnê wek pêngava yekem hatiye cîbicîkirin, ji wan 20 bajarên niştecîbûnê, 4500 beşdarên elektrîkê hebûn ku ti pêwendiya wan bi elektrîka niştimanî ve nebû û pere nedane.”

Berdevkê Hikûmeta Herêma Kurdistanê destnîşan kir, ew kesên li berjewendiyên wan tê lêdan û dixwazin li ser hîsabê xelkê bi awayekî din bijîn, tên ber kanalan û xelkê dikin wek sedem, da ku proseyên çaksaziyê werin rawestandin.