Siyasî

Wezareta Derve ya Tirkiyê li ser êrîşa li Firokexaneya Erbetê daxuyanî da

Wezareta Derve ya Tirkiyê li ser bûyera êrîşkirina ser Firokexaneya Erbetê ya li parêzgeha Silêmaniyê daxuyaniyek belav kir û diyar kir: “Dije Terora YNKê ligel çekdarên PKK/YPGê li wê firokexaneyê rahênan kirine.”

Kurdistan24 Hewlêr 2023/09/19 21:44

Kurdistan Erbet Wezareta Derve ya Tirkiyê Êrîş Daxuyanî

Hewlêr (K24) – Wezareta Derve ya Tirkiyê li ser bûyera êrîşkirina ser Firokexaneya Erbetê ya li parêzgeha Silêmaniyê daxuyaniyek belav kir û diyar kir: “Dije Terora YNKê ligel çekdarên PKK/YPGê li wê firokexaneyê rahênan kirine.”

Îro Sêşemê 19ê Îlona 2023an, li ser êrîşa firokeya bêfirokevan a li Firokexaneya Erbetê ya li Silêmaniyê, Wezareta Derve ya Tirkiyê ragihand: “Tirkiyê ji her du hikûmetên Iraq û Herêma Kurdistanê daxwaz dike, PKK û berdewamên wê wek rêxistina terorîstî binasin.”

Di daxuyaniyê de hatiye gotin: “PKKê çalakiyên xwe bi dirêjiya navçeyên bakurê wî welatî sift kirine û Tirkiye jî ji nêzîk ve çavdêriya liv û tevgerên wan ên di navbera Iraq û Sûriyê de dike.”

Herwiha Wezareta Derve ya Tirkiyê diyar dike, ji wan re xuya bûye ku "Grûpa Dije Terorê ya ser bi YNKê, ligel çekdarên PKK/YPG rahênan kirine".

Roja duşemê 18ê Îlona 2023an, Firokexaneya Erbetê ya li sînorê parêzgeha Silêmaniyê hat bombebarankirin û li gor amarên ku ji aliyê dezgehên Silêmaniyê ve hatin ragihandin, sê karmendên Dije Terora YNKê canê xwe ji dest dan û hejmarek kes jî birîndar bûn.