Serokwezîr Mesrûr Barzanî pêşwazî li Berpirsê Karûbarên Balyozxaneya Amerîka li Iraqê kir
Navenda Nûçeyan (K24) – Serokwezîrê Herêma Kurdistanê Mesrûr Barzanî îro 4ê Cotmehê pêşwazî Berpirsê Karûbarên Balyozxaneya Amerîka li Iraqê David Berger kir.
Di hevdîtinê de pêşhatên dawî, rewşa giştî ya Iraqê û giringiya dabînkirina mafên destûrî û darayî yên Herêma Kurdistanê hatin gotûbêjkirin.
Her du alî li ser giringiya destpêkirina hinardekirina petrola Herêma Kurdistanê bi rêya Bendera Ceyhanê ya Tirkiyê di zûtirîn dem de hevnêrîn bûn.
Di mijareke din a civînê de, tekezê li ser pêwîstiya lidarxistina hilbijartinên parlamentoya Kurdistanê di dema xwe ya diyarkirî de hat kirin.
Berpirsên Karûbarên Balyozxaneya Amerîka li Iraqê spasiya alîkariya Hikûmeta Herêma Kurdistanê bo qurbaniyên şewata li Bexdîdayê (Hemdaniyê) kir û rewşa pêkvejiyana aştiyane ya di navbera pêkhateyên cuda yên Herêma Kurdistanê de bilind nirxand.