Qamişlo: Rojnamevanên Şehîd hatin xelat kirin
K24 – Qamişlo
Yekîtiya Ragihandina Azad li Kantona Cizîrê 118mîn salvegera Roja Rojnamegeriya Kurdî pîroz kir û ji ber sedemên şerê Qamişlo merasîmên cejnê ji 22 nîsanê hatin paşxistin. Bi boneya vê cejnê hindek rojnemevan hatin xelatkirin.
Hevserokê Yekîtiya Ragihandina Azad Ekrem Berekat ji K24 re ragihand, xelatên îsal li ser asta Rojava û li ser asta Kurdistanê û cîhanê bi tevayî hatin belavkirin.
Herweha Berekat diyar kir, rojnemevanên ku di karê çapemeniyê de şehîd bûne, ligel her rojnemevanekî ku karîbû şoreşa Rojavayê Kurdistanê di riya alavên rojnemegeriyê de bighîne raya giştî jî hatin xelatkirin.