Li Enqerê bi boneya 9ê Gulanê Roja Ewropayê panelek

K24 – Enqere

Ji bo 9ê Gulanê Roja Ewropayê li Zankoya Hacettepeyê panelek hate lidarxistin. Di panela ku bi beşdariya Balyozê Hollandayê Cornelis Van Rij û gelek akademîsyenan pêk hat de, li ser têkiliyên Tirkiye û Yekîtiya Ewropayê hate sekinandin.

Di panelê de pêşî bi pêşkêşkariya akademîsyenên Zankoya Hacettepeyê nêrîna wan ya li ser têkîliyên herdu welatan hate guhdarîkirin. Akademîsyenan bi awayekî berfireh amarên hejmara penaberan dan aşkerekirin û rola Tikriyê û Yekîtiya Ewropayê ya li ser jiyana penaberan hate gotubêjkirin.

Piştî vê yekê Balyozê Hollandayê yê Enqerê Cornelis Van Rij axaftinek kir û li ser giringiya têkîliyên Ewropayê sekini. Balyozî da zanîn ku ew ê hewlbidin ku ewlehiya sînoran bigihînin asta herî bilind û bi vê yekê rê li ber êrîşên terorî bigirin.

Têkiliyên di navbera herdu welatan de yên li ser aboriyê jî di rojeva herdu aliyan de cih girt.