Mesrûr Barzanî: Şoreşa Gulanê asoyeke nû li pêş gelê Kurd vekir

Navenda Nûçeyan (K24) – Serokwezîrê Herêma Kurdistanê Mesrûr Barzanî bi boneya 45 salvegera Şoreşa Gilanê, pîrozbahiyan arastî gelê Kurdistanê dike.

Serokwezîr Mesrûr Barzanî bi vê boneyê peyamek belav kir û tê de hat:

“Bi boneya 45 saliya Şoreşa Gulanê, pîrozbahiyên xwe arasteyî gelê Kurdistanê û cenabê Serok Barzanî û serkirdatiya PDKê û Pêşmergeyên qehreman dikim.

Em bi rêz û pêzanîneke mezin bîranîna şehîdê rêber Îdrîs Barzanî, hemû şehîd, têkoşer û beşdarên Şoreşa Gulanê dikin.”

Şoreşa Gulanê ku berdewamiya Şoreşa Mezin a Îlonê bû, mija bêhêviyê lada û asoyeke nû li pêş gelê Kurd vekir ku bi xweragirî û vîneke xurt têkoşîna gelê Kurdistanê ya ji bo bidestxistina mafên xwe yên rewa domand.

Di bîranîna Şoreşa Gulan de em tekeziyê li ser pêşvebirina kar ji bo yekrêzî û tebahiya di navbera pêkhatên Kurdistanê dikin ku hevxebat û karê bi hev re û tebahiya hêz û aliyên Kurdistanî bûne hokar û bingeha damezrandina bereya Kurdistanî û encama serkeftina Raperîna Adara sala 1991ê ku ew yek ji destkeftên giring û bi rûmet ên şoreşa Gulanê ye.

Bilind û pîroz be salvegera Şoreşa Gulanê. Aştî ji giyanên pak ên şehîdên Kurdistanê re.”