Li Diyarbekirê otobusek wergeriya: 30 kes birîndar bûn

Navenda Nûçeyan (K24) – Li Diyarbekirê di encama wergerîna otobuseke rêwiyan de, 4 jê giran 30 kes birîndar bûn.

Li ser riya Diyarbekir û Siwêregê otobuseke rêwiyan wergeriya. Di bûyera trafîkê de 4 jê bi giranî bi giştî 30 kes birîndar bûn. Yek ji birîndaran zarok e.

Tîmên polîs, tenduristiyê, AFAD û agirkujiyê gihîştin cihê bûyerê.

Birîndar ji bo nexweşxaneyan hatin veguhastin.