Numan Kurtulmuş bû Serokê Parlamentoya Tirkiyê
Navenda Nûçeyan (K24) – Parlamenterê Partiya Dad û Geşepêdanê (AK Partî) yê Stenbolê Numan Kurtulmuş bû Serokê Parlamentoya Tirkiyê.
Numan Kurtulmuş di gera sêyem a hilbijartina Serokê Parlamentoyê de bi 321 dengan wek Serokê Parlamentoya Tirkiyê hat hilbijartin.
Îro Çarşemê 7ê Hezîrana 2023an li Parlamentoya Tirkiyê di gera sêyem de namzedê Tifaqa Cumhur û Parlamenterê AK Partiyê yê Stenbolê Numan Kurtulmuş wek Serokê Parlamentoya Tirkiyê hat hilbijartin.
Di gera yekem û duyem de ti namzed 400 deng bi dest nexistin û hilbijartin bo gera sêyem ma û li gor rêziknameyê di gera sêyem de kîjan namzed 301 deng bi dest bixe, dibe Serokê Parlamentoyê.
Di gera sêyem de 584 parlamenter beşdarî hilbijartinê bûn û dengê xwe dan. Parlamenterê AK Partî yê Stenbolê Numan Kurtulmuş 321, Parlamenterê CHPê yê Enqerê Tekin Bingol 160, Parlamentera Partiya Çepên Kesk (YSP) ya Edene Tulay Hatimogullari Oruç 51, Parlamenterê IYI Partî yê Stenbolê Cihan Paçaci 43 û Parlamenterê TIP yê Hatayê Şerafettin Can Atalay 4 deng bidestxistin. 5 deng jî nehatin qebûlkirin.