نادیه موراد باسی برازا داعشهكهی دهكات
K24 - ههولێر:
نادیه موراد، كچه ئێزدی خاوهنی خهڵاتی نۆبڵی ئاشتی و باڵیۆزی نیازپاكی نهتهوه یهكگرتووهكان دهڵیت: "برازایهكم له سووریا له ریزی چهكدارانی داعش شهڕ دهكات".
نادیه موراد كه خۆی و خانهوادهكهی قوربانی دهستی تیرۆری داعشن، له گوتارێكدا كه له كۆڕبهندی دهوحه ئهمڕۆ یهكشهممه 16/12/2018 پێشكهشی كرد گووتی: "برازایهكم چووهته ریزی چهكدارانی داعشهوه و ئێستا له سووریا هاوشانی داعش شهڕ دهكات، خێزانهكهشی پهیوهندییان پێوه كردووه بۆ ئهوهی بیگهڕێننهوه دۆخی ئاسایی، بهڵام ئهو رهتیكردووهتهوه".
ههروهها گوتوویهتی: "برازاكهم دهڵێت، ئێوه كافرن و ئهگهر بكهونه دهستم ئهوا دهتانكوژم".
نادیه موراد له خێزانهكهی خۆی ههشت كهس و له بنهماڵهكهشیان زیاتر له 25 كهس لهلایهن چهكدارانی داعشهوه كوژراوون.
سهرچاوه: روسیا الیوم